Batik ehf, Bíldshöfða 16, 110 Reykjavík, keypti um miðjan ágúst 2011 vélar, tæki, efnis- og fatalager Saumastofu Öryrkjabandalagsins ÖBI, en rekstur hennar var hætt þann 1.ágúst síðastliðinn. Hluti starfsmanna saumastofunnar hafa ráðið sig til Batik að Bíldshöfða 16, en reksturinn var fluttur þangað 1. september 2011.

Batik mun áfram framleiða á Bíldshöfða 16 fatnað sem ÖBI framleiddi, þ.e. sloppa, buxur, mussur, svuntur í mörgum gerðum, kokkaskyrtur og -jakka, og ýmsan annan fatnað. Helstu viðskiptavinir hafa verið starfsmenn heilsugæslna, lækna- og heilbrigðisþjónustu, matvælaiðnaður, verslanir, hótel- og veitingahúsarekstur og annar þjónustuiðnaður. Vörur ÖBI verða ágæt viðbót við fjölbreytt vöruúrval sem Batik hefur, sem eru t.d. skyrtur, bolir, pólobolir, háskólabolir, hettupeysur, buxur, sloppar, húfur og höfuðfatnaður, ásamt töskum, svo eitthvað sé talið. Einnig hefur Batik á boðstólnum fjölbreyttan fatnað fyrir skokkara, hjólreiðafólk, hópíþróttir og aðra lífstíls hópa.

Þá hefur Batik rekið mjög öfluga merkingardeild með silkiprentun og bróderingu á vörumerkjum "logo" fyrirtækja.

Það er von okkar hjá Batik að við getum boðið viðskiptavinum fyrirtækisins enn betri þjónustu með auknu vöruúrvali, sérframleiðslu fyrir fyrirtæki og merkingum á fatnaði. Mun fyrirtækið kappkosta að bjóða vandaðan fatnað í hönnun og handbragði, úr hágæða efnum. Þá verður stefnt að því að þróa nýjar vörur að kröfum viðskiptavina.